ژوب،سیکیورٹی فورسز کا انٹیلی جنس بیسڈ آپریشن، 6 دہشتگرد ہلاک

1 نومبر, 2023 7:11 شام 8 مناظر

ژوب، سیکیورٹی فورسز کا انٹیلی جنس بیسڈ آپریشن، 6 دہشتگرد ہلاک
بلوچستان کے ضلع ژوب میں سیکیورٹی فورسز نے خفیہ اطلاع پر آپریشن کرتے ہوئے 6 دہشتگردوں کو ہلاک کردیا۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے بلوچستان کے ضلع ژوب کےعلاقے سمبازا میں انٹیلی جنس بیسڈ آپریشن کیا، اس دوران سیکیورٹی فورسز اور دہشتگردوں کے درمیان فائرنگ کا شدید تبادلہ ہوا۔

آئی ایس پی آر کے مطابق شدید فائرنگ کے تبادلے میں 6 دہشتگرد مارے گئے جبکہ مارے گئے دہشتگردوں سے اسلحہ اور گولہ بارود بھی برآمد ہوا ہے۔

آئی ایس پی آر کے مطابق ہلاک ہونے والے دہشتگرد شہریوں کی ٹارگٹ کلنگ میں ملوث تھے، علاقے میں ممکنہ دہشتگردوں کے خاتمے کیلئے کلیئرنس آپریشن جاری ہے، سیکیورٹی فورسز قوم کے تعاون سے بلوچستان میں امن تباہ کرنے کی ہرسازش ناکام بنادے گی۔

ژوب،سیکیورٹی فورسز کا انٹیلی جنس بیسڈ آپریشن، 6 دہشتگرد ہلاک

Related

متعلقہ خبریں