شاہد خاقان عباسی اور سردار مہتاب پارٹی اختلافات کو کمرے تک رکھیں۔حنیف عباسی

ان خیالات کا اظہار انہوں نے دورہ مری کے دوران مری میڈیا سے گفتگو کرتے ہوئے کیا ۔حنیف عباسی نے  کہا کہ تمام پارٹیوں کو لیول پلینگ فیلڈ  ملنا چاہیئے اور سب کو الیکشن میں حصہ لینے کی اجازت ہونی چاہیے۔

انہوں نے کہا کہ جو لوگ نو مئی کے واقعات میں ملوث ہیں ان کو معاف نہیں کیا جانا چاہیے مگر جو بے گناہ ہیں انہیں سزا نہ دی جائے ۔انہوں نے اپنے پیغام میں سب پارٹیوں خصوصاً پی پی پی سے کہا کہ محنت کرو حسد نہ کرو انہوں نے کا کہ امید ہے کہ الیکشن کمیشن عام انتخابات جنوری کی کسی تاریخ کو کروا دے گا۔

انہوں نے شاہد خاقان عباسی کے حوالے سے ایک سوال پر کہا کہ وہ اپنا فیصلہ کرنے کا اختیار رکھتے ہیں،مگر جس طرح پارٹی قیادت ان کی عزت کا خیال رکھتی ہے، وہ بھی کریں۔ سابق وزیر اعلٰی اور گورنر سردار مہتاب عباسی سے متعلقق سوال پر بھی انہوں نے کہا کہ یہ دونوں حضرات ہمارے بڑے اور پارٹی کے سینئر ہیں، میں ان پر تبصرہ تو نہیں کر سکتا۔بس اتنی گزارش ہے کہ پارٹی اختلاف کو بند کمرے تک رکھا جائے۔

اس موقع پرمسلم لیگ ن تحصیل مری کے صدر راجہ دفتر عباسی، سابق نائب ناظم مری سٹی مرزاسہیل بیگ، راجہ مسعود آصف عباسی اور دیگر رہنماء بھی ان کے ہمراہ تھے بعد ازاں وہ واپس راولپنڈی روانہ ہوگئے۔