خیبرپختونخوا میں سکیورٹی فورسز کی گاڑی بم سے ٹکرا گئی، 2 سپاہی شہید

خیبرپختونخوا میں سکیورٹی فورسز کی گاڑی بم سے ٹکرا گئی، 2 سپاہی شہید

جنوبی وزیرستان کے علاقے میں سکیورٹی فورسز کی گاڑی معمول کے گشت پر تھی کہ اس دوران دہشتگردوں کی جانب سے نصب کیے گئے دیسی ساختہ بم سے ٹکرا گئی، دھماکے میں سپاہی بنارس خان اور عبدالکریم نے جام شہادت نوش کیا، متاثرہ علاقے میں دہشت گردوں کے خاتمے کیلئے کلیئرنس آپریشن جاری ہے۔
ادھر خیبرپختونخوا کے علاقے تیرہ میں سکیورٹی فورسز نے آپریشن کرتے ہوئے ایک دہشت گرد کو جہنم واصل کر دیا جبکہ دو دہشت گردوں کو زخمی حالت میں حراست میں لے لیا، ہلاک دہشتگرد سکیورٹی فورسز پر حملوں اور شہریوں کی ٹارگٹ کلنگ میں ملوث تھا، فورسز نے گرفتار ملزموں سے اسلحہ اور گولہ بارود برآمد کر لیا۔