کے پی میں سرکاری جامعات کے ڈیپوٹیشن پر تعینات ملازمین واپس

خیبر پختونخوا کی سرکاری جامعات میں ڈیپوٹیشن پر تعینات تمام ملازمین  کو واپس طلب کر لیاگیا ہے اور آئندہ ڈیپوٹیشن پر تعیناتی کا سلسلہ ختم کرنے کا فیصلہ کر لیا گیا ہے۔

ہائر ایجوکیشن ڈیپارٹمنٹ خیبرپختونخوا نے اس حوالے سے تمام یونیورسٹیوں کے وائس چانسلرز کو مراسلہ لکھ دیاہے۔

مراسلےمیں کہا گیا ہے کہ ڈیپوٹیشن پر جانے والے تمام ملازموں کو واپس طلب کر لیاگیا، مراسلے کے مطابق یونیورسٹیوں کے ملازم قواعد و ضوابط کے مطابق ڈیپوٹیشن پر دوسرے محکموں میں نہیں جاسکتے۔

مراسلہ میں مزید کہا گیا کہ یونیورسٹیوں کے ملازم بڑی تعداد میں ڈیپوٹیشن پر دوسرے محکموں میں کام کر رہے ہیں، مزید ہدایت کی گئی ہے کہ ڈیپوٹیشن پر دیگر اداروں میں بھیجے  جانے والے تمام یونیورسٹی ملازمین کو واپس بلایا جائے، مستقبل میں کسی ملازم کو دوسرے ادارے میں ڈیپوٹیشن پر جانے کی اجازت نہ دی جائے.

Employees posted on deputation of government universities in KP returned,کے پی میں سرکاری جامعات کے ڈیپوٹیشن پر تعینات ملازمین واپس