9مئی کیس میں ایک اور سابق پی ٹی آئی رکن اسمبلی گرفتار

سوات پولیس نے پی ٹی آئی کے سابق ایم این اے سلیم الرحمان کی ضمانت منسوخ ہوتے ہی احاطہ عدالت سے گرفتار کرلیا۔

واضح رہے کہ پی ٹی آئی ضلع سوات کے صدر اورسابق ایم این اے سلیم الرحمان کے خلاف سابق وزیر اعظم عمران خان کی گرفتاری کے خلاف 9مئی کو اداروں اور حکومت کے خلاف اشتعال انگیز تقاریر کرنے اور اداروں کو کھلے عام دھمکیاں دینے پر 29 مئی کو تھانہ سیدوشریف میں انسداددہشت گردی سمیت دیگر دفعات کے تحت مقدمہ درج کرلیا گیا تھا۔

سوات پولیس سابق پی ٹی آئی ایم پی اے سلیم رحمان کو گرفتار کرکے لے جارہی ہے

اسی مقدمے میں نامز ملزمان سٹی میئر شاہد علی اور سابق ایم پی اے فضل حکیم پہلے ہی گرفتار ہوکر وہ ضمانت پر رہا ہوچکے ہیں۔ سلیم الرحمان نے روپوش ہونے کے بعد منظر عام پر آکر انسداددہشت گردی سیدوشریف کی عدالت سے ضمانت قبل ازگرفتاری حاصل کررکھی تھی۔بدھ کے روز عدالت نے ان کی ضمانت منسوخ کردی جس کے بعد پولیس نے انہیں احاطہ عدالت سے گرفتار کرکے تھانہ مینگورہ منتقل کردیا گیا ہے۔ گرفتار پی ٹی آئی رہنما کو آج بروز جمعرات دوبارہ عدالت میں پیش کیا جائے گا۔

Another former PTI MPA arrested in May 9 case,9مئی کیس میں ایک اور سابق پی ٹی آئی رکن اسمبلی گرفتار