پھگواڑی میں 3منشیات فروش گرفتار۔1800 گرام چرس برآمد

پولیس کے مطابق سی پی راولپنڈی کے احکامات کی روشنی میں ایس ایچ او تھانہ پھگواڑی مری نے ہمراہ پولیس ٹیم منشیات فروشوں کے خلاف کارروائیوں کا سلسلہ جاری رکھتے ہوئے بدنام زمانہ منشیات فروش انیس الرحمان کو رنگے ہاتھوں گرفتار کرلیا اور اس کے قبضے سے 1247 گرام چرس برآمد کر لی ۔

اسی طرح پولیس ٹیم نے ایک اور کارروائی میں مدثر نامی منشیات فروش سے 530 گرام چرس جبکہ ناصر اقبال سے 105 گرام چرس برآمد کر کے ملزمان کیخلاف الگ الگ مقدمے درج کر لئے۔

علاقہ مکینوں نے اپنے بچوں کے روشن مستقبل کے لئے معاشرے کے ناسوروں کیخلاف پولیسایکشن کو سراہا تاہم لوگ اس بات پر حیران اور شدید تشویش کا شکار ہیں کہ نوجوان نسل کیوں تیزی سے منشیات کی لت کا شکار ہو رہی ہے اور مری سمیت سرکل بکوٹ،اپر دیول،اوسیا ،روات،پھگواڑی اور دیگر علاقوں میں منشیات کی لعنت پھیلانے والے کون لوگ ہیں جنہیں پولیس کارروائی کا کوئی خوف نہیں۔

متعلقہ علاقوں کے مکینوں کے مطابق زیادہ تر کیسز میں پولیس اہلکار نہ صرف منشیات فروشوں سے ملے ہوتے ہیں بلکہ ان کی سرپرستی کر کے اس دھندے کی کمائی کا بڑا حصہ وصول کرتے ہیں اور وقفے وقفے سے نمائشی کارروائی کر کے اعلٰی حکام کو مطمئن کرنے کے ساتھ ساتھ میڈیا کا پیٹ بھی بھر دیا جاتا ہے جاس کے بعد راوی چین ہی چین لکھتا ہے۔

3 drug dealers arrested in Phagwadi. 1800 grams of hashish recovered,پھگواڑی میں 3منشیات فروش گرفتار۔1800 گرام چرس برآمد