کمزور کپتانی،ناقص فیلڈنگ اورحد درجہ خود اعتمادی پاکستانی ٹیم کولےڈوبی

کپتان بابرعظم نے انفرادی طور پر اچھی کارکردگی کا مظاہرہ کرتے ہوئے 74 رنز اسکور کیے۔
بھارت کے شہر چنائےمیں پاکستان کی جانب سے پہلی اننگز میں 282 رنز بنائے گئے جس کے جواب میں افغان بلے باز بہت اعتماد کے ساتھ کھیلے۔ابراہیم زدران اور رحمان اللہ گرباز نے نصف سنچریاں بنائیں جبکہ افغان ٹیم کے مڈل ارڈر بیٹسمینوں نے 49 اوور میں بہت اسانی سے ہدف عبور کر لیا ۔

میچ کے دوران پاکستان کی بالنگ لائن بھی مکمل ناکام دکھائی دی۔حسن علی اور شاہین شاہ آفریدی نے ایک ایک وکٹ حاصل کی جبکہ افغان ٹیم کے کپتان حشمت اللہ شاہدی اور رحمت شاہ کے درمیان 96 رنز کی شراکت پاکستان کی شکست کا اہم سبب ثابت ہوئی۔97 رنز بنانے والے افغان اوپنر زدران کو مین اف دی میچ قرار دیا گیا ہے ۔

ہماری بالنگ اور فیلڈنگ دونوں خراب رہی۔بابر اعظم کا اعتراف

میچ کے اختتام پر گفتگو کرتے ہوئے پاکستانی کرکٹ ٹیم کے کپتان بابر اعظم نے اعتراف کیا کہ ہماری بالنگ اور فیلڈنگ دونوں خراب رہی۔ان کا کہنا تھا کہ اگر اپ کسی ایک شعبے میں بھی اچھے نہیں ہیں تو میچ ہارنا یقینی ہوتا ہے۔
اس کے برعکس افغان ٹیم بہت اچھا کھیلی کہ ہم کوشش کریں گے کہ اپنی غلطیاں درست کر کےآئندہ بہتر نتائج دے سکیں۔
اس موقع پر افغان کرکٹ ٹیم کے کپتان حشمت اللہ کا کہنا تھا کہ ہماری ٹیم نے پروفیشنل انداز میں ہدف کا تعاقب کر کے کامیابی حاصل کی۔جبکہ  اوپنرز نے ہماری فتح میں کلیدی کردار ادا کیا۔ان کا کہنا تھا کہ شروع سے آخر تک میچ افغان ٹیم کے ہاتھ میں تھا۔
دوسری طرف اس عبرتناک شکست کے بعد پاکستان کرکٹ ٹیم کے کپتان بابر اعظم کے خلاف سوشل میڈیا پر تنقید بڑھ گئی ہے اور لوگوں کا کہنا ہے کہ انہوں نے ٹیم میں پرفارمنس کو اہمیت دینے کے بجائے اپنے ذاتی دوستوں کو نوازنے کی کوشش کی۔

Weak captaincy, poor fielding and over-confidence lethal for Pakistani team,کمزور کپتانی،ناقص فیلڈنگ اورحد درجہ خود اعتمادی پاکستانی ٹیم کولےڈوبی