نواز شریف ساڑھے چارسال بعد مری میں اپنی رہاش گاہ پہنچے

میاں محمد نواز شریف براستہ اسلام اباد  مری ایکسپریس وے سے گاڑیوں کے ایک بڑے قافلے کے ساتھ اپنی رہائش گاہ کشمیر پوائنٹ مری پہنچے ۔ ان کی صاحبزادی اور نواز لیگ کی چیف آرگنائزر مریم نوازشریف سمیت دیگر رہنما بھی ان کے ہمراہ تھے۔میاں نوازشریف کی مری آمد کے موقع پر چمکتی دھوپ کے ساتھ موسم انتہائی  خوشگوار رہا ۔ استقبال  کرنے والوں  میں  مسلم لیگی عہددارن راجہ یاسر ریاست عباسی، راجہ دفتر عباسی ، حاجی اسکرین عباسی ،  شفیق  وانی ، راجہ مسعود آصف ، سبی گل، پہولا بٹ اور دیگر شامل تھے۔

کشمیر پوئنٹ مری جہاں نواز شریف اپنی رہائش گاہ پر پہنچے ہیں

کشمیر پوائنٹ  پر شدید سردی کےباوجود لیگی کارکنان میاں نوازشریف کے استقبال کے لیے بڑی دیر تک موجود  رہے۔ اس موقع پرمیونسپل کمیٹی  کی جانب سے بھی  کشمیر پوائنٹ  کی سڑکوں  پر صفائی ستھرائی کا کام جاری رہا اور سیکورٹی  کے پیش نظر بڑی تعداد میں پولیس اہلکار  بھی تعینات تھے۔

پارٹی ذرائع کے مطابق نواز شریف کل منگل کے روز  اسلام اباد  کی عدالت میں پیشی کے لیے روانہ ہوں  گے۔ واضح رہے کہ اسلام آباد ہائیکورٹ اور احتساب عدالت نے نواز شریف کو 24 اکتوبر تک مقدمات میں پیشی کی مہلت دے رکھی ہے۔

After four and a half years, Nawaz Sharif reached his residence in Murree,نواز شریف ساڑھے چارسال بعدکشمیر پوائنٹ  مری میں اپنی رہاش گاہ پہنچے