نواز شریف آج مری روانہ روانہ ہوں گے۔تین روز قیام متوقع

پارٹی ذرائع کے مطابق اتوار کے روز  جاتی امرا میں نواز شریف اور ان کی قانونی ٹیم کے مابین مشاورت کے بعد فیصلہ کیا گیا کہ لیگی قائد  پیر کی بجائے منگل کو عدالت میں پیش ہوں گے۔

واضح رہے کہ اسلام آباد ہائیکورٹ اور احتساب عدالت دونوں نے سابق وزیر اعظم کو 24 اکتوبر تک کی مہلت دے رکھی ہے۔پارٹی ذرائع کے مطابق نواز شریف آج مری کے لیے روانہ ہوں گے، ان کے ہمراہ سابق وفاقی وزیر خزانہ اسحاق ڈاربھی ہوں گے جبکہ مری میں مسلم لیگ ن کے قائد کی اہم ملاقاتیں متوقع ہیں۔

پارٹی ذرائع کے مطابق نواز شریف منگل کو مری سے اسلام آباد پہنچ کر عدالتوں کے روبرو سرنڈر کریں گے، نواز شریف عدالتوں میں پیشی کے بعد واپس مری جائیں گے، جہاں ان کے 2 سے 3 روز قیام کا امکان ہے۔ واضح رہے کہ مری شہر میں نواز شریف کی رہائش گاہ موجود ہے جہاں وہ پاکستان میں قیام کے دوران موسم گرما میں اکثر و بیشتر وقت گزارتے رہے ہیں۔

Nawaz Sharif will leave for Murree today, expected to stay for three days,نواز شریف آج مری روانہ روانہ ہوں گے