مانسہرہ میں کروڑوں کا فراڈکرنے والی لیڈی گینگسٹر پکڑی گئی

موصولہ تفصیلات کے مطابق نوشین بی بی زوجہ مظہر سکنہ چٹی ڈھیری مانسہرہ نے محمد نثار ولد سراج خان سکنہ شنکیاری، محمد کاشف ولد غلام ربانی اور مجمد وسیم ولد مصطفےٰ سے رقم لی کہ انہیں سریا اور سیمنٹ سستے داموں فراہم کرے گی اور فی ٹن تیس ہزار روپے بچت ہو گی جس پر ان افراد نے اسے کیش اور بذیعہ بینک رقم دی مگر نوشین بی بی پیسے لے کر رفو چکر ہو گئی۔

اسی طرح ایبٹ آباد کے رہائشی افضا ل ولد فدا محمد کو مانسہرہ علی ٹاون میں دس مرلے  کاپلاٹ دکھا کر اس سے بیس لاکھ روپے نوشین اور اس کے ساتھی پرویز نے وصول کئے اور ایک سال تک اسے چکر دیتے رہے۔ افضال نے اپنی والدہ جو سکول ٹیچر تھیں کی ریٹائرمنٹ کی پنشن کے پیسے دیئے تھے مگرنوسر بازوں نے ان کی جمع پونجی لوٹ لی۔

ڈی پی او مانسہرہ نے مختلف درخواستوں میں ایک ہی عورت کے ملوث ہونے کی شکایات پر  ایس ایچ او سٹی کو خصوصی ہدایات دیں جس پر سٹی پولیس نے ملزمہ اور اس کے ایک ساتھی پرویز سکنہ پھلڑہ کو گرفتار کر لیا جن سے مزید انکشافات متوقع ہیں۔

lady gangster who defrauded crores was caught in Mansehra,مانسہرہ میں کروڑوں کا فراڈکرنے والی لیڈی گینگسٹر پکڑی گئی