ربیع الثانی 1445 ہجری کا چاند نظر آگیا

16 اکتوبر, 2023 10:12 شام 14 مناظر

چیئرمین مرکزی رویت ہلال کمیٹی مولانا عبدالخبیر آزاد نے چاند نظر آنے کا اعلان کر دیا،یکم ربیع الثانی 1445 ہجری کل 17 اکتوبر بروز منگل کو ہو گی۔

مولانا عبدالخبیر آزاد نے کہاکہ ملک بھر میں بیشتر علاقوں میں مطلع آلود رہا،کوئٹہ، نگرپارکر اور دیگر علاقوں

سے چاند نظر آنے کی اطلاعات موصول ہوئیں۔
دوسری جانب مرکزی رویت ہلال کمیٹی کی جانب سے اسرائیلی بربریت کی شدید مذمت کی گئی ،

رویت ہلال کمیٹی نے اسلامی ممالک، یو این، او آئی سی سے غزہ پر نہتے فلسطینی شہریوں پر اسرائیلی حملے رکوانے کا مطالبہ کیا،

کمیٹی نے اسرائیلی بربریت کے خلاف سعودی عرب، ترکی، ایران اور قطر کے موقف کی حمایت کا اعلان کیا۔