ٹرانسپورٹرز نے کرائے معمولی کم کر کے عوام کو ٹرخا دیا

عوامی حلقوں کا کہنا ہے کہ جب بھی پٹرولیم مصنوعات کی قیمتوں میں معمولی اضافہ ہوتا ہے تو ٹرانسپورٹرز من مانا اضافہ کر لیتے ہیں اور روز مرہ کی اشیاء ضروریہ کی قیمتوں میں بھی اضافہ کردیا جاتا ہے لیکن 40 روپے فی لیٹر کمی کے باوجود مری سے راولپنڈی چلنے والی پبلک ٹرانسپورٹ والے 340 روپے کرایہ وصول کر رہے تھے،

جبکہ اب 40 روپے پٹرول سستا ہوا ہے تو اب کرایہ 310 روپے وصول کیا جا رہا ہے۔ کرائے میں یہ کمی نہ ہونے کے مترادف ہے۔ اسی طرح مری کے دیگر علاقوں میں مقامی سطح پر بھی ٹرانسپورٹروں نے کرایوں میں معمولی ہی کمی کی ہے۔

عوامی حلقوں نے حکومت، کمشنر،ڈپٹی کمشنر،چیف ٹریفک آفیسر،سیکرٹری آرٹی اے اور دیگر اعلیٰ حکام سے مطالبہ کیا ہے کہ پٹرولیم مصنوعات کی قیمتوں میں کی گئی کمی کا پورا ریلیف عوام کو پہنچانے کے فوری اقدامات کئے جائیں۔