مری میں درجہ حرارت نقطہ انجماد تک گر گیا

مری میں درجہ حرارت نقطہ انجماد تک گر گیا

دن بھر موسلادھار بارش نے مری کو جل تھل کردیا ہے۔ شہر میں ناقص نکاسی آب کی وجہ سے تمام نالیوں اور پلیاں بند ہو گئیں سڑکیں،بازار اورمحلے ندی نالوں کا منظر پیش کرتے رہے اور پیدل چلنا بھی محال ہو چکا ہے

شدید سردی سے بچنے کیلئے سیاحوں اور شہریوں نے گرم کپڑوں اور ہیٹروں کا استعمال شروع کر دیا ہے سیاح مری کے ٹھنڈے موسم اور دلکش وادی کے حسین نظاروں سے خوب لطف اندوز ہوتے رہے۔

مری کے علاوہ گلیات ، ایوبیہ ، سرکل بکوٹ ، اور بیروٹ سمیت مختلف نواحی علاقوں میں بھی بارش کے بعد سردی کی شدت میں اضافہ ہو گیا ہے۔ محکمہ موسمیات کے ماہرین کے مطابق حالیہ بارش موسم سرما کے قبل از وقت آغاز کا پیش خیمہ ہے۔

گزشتہ کئی گھنٹے سے جاری بارش کے بعد ملکہ کوہسار مری، گلیات ، آزاد کشمیر اور گردونواح کے علاقوں کو کالے بادلوں،گہری دھند اور یخ بستہ ہواؤں نے اپنی لپیٹ میں لے لیا جس کے باعث درجہ حرارت نقطہ انجماد سے گر گیا اور سردی کی شدت میں بھی اضافہ ہو گیا ہے۔