مانسہرہ میں 3بھائی کنویں کی زہریلی گیس کا شکار ہوئے

تفصیلات کے مطابق تھانہ بفہ کی حدود بجنہ روڈ پہ زیر تعمیر مکان کے کنویں میں تین سگے بھائی جاں بحق ہوگئے تھے۔جاں بحقِ ہونے والوں میں 36 سالہ ذیشان عرف (جانی) ولد ایوب۔28 سالہ منیب ولد ایوب عمر 23سالہ محمد عمر ولد ایوب عمر شامل ہیں جو کہ شنکیاری پرانی منڈی میں دکاندار تھے۔

ذیشان عرف جانی بیٹریوں والا کے نام سے مشہور تھا اور یہ تینوں محمد وقاص کار الیکٹریشن کے بھائی تھے۔ یہ تینوں بھائی اپنے لیئے نئے مکان کی تعمیرات کرا رہے تھے اس لیئے ڈھوڈیال سے بجنہ آئے اور مکان کی کنسٹرکشن میں تھوڑا بہت کام خود کر رہے تھے۔

دو مرحوم بھائیوں کی فائل فوٹو

معمول کے مطابق گھر واپس نہ گئے اور گھر والوں سے کوئی رابطہ بھی نہ ہو سکا تو ان کے گھر والوں نے پولیس کو اطلاع دی جس پر پولیس نئے تعمیر ہونے والے گھر پہنچی جہاں کافی چھان بین کے بعد تینوں بھائیوں کو اسی گھر کے کنویں میں مردہ حالت میں پایا۔پولیس نے ریسکیو 1122 کی مدد سے تینوں نعشوں کو کنویں سے نکال دیا۔ مقامی لوگوں کے اندازے کے مطابق موٹر ٹھیک کرنے یا کنوئیں کی صفائی کی غرض سے یہ تینوں بھائی  ایک ایک کر کے کنویں میں اترے اور کنویں میں زہریلی گیس کی وجہ سے ان کی موت واقع ہوئی۔

پولیس کی جانب سے مزید تفشیش جاری ہے۔ تینوں نعشوں کو آر ایچ سی بفہ منتقل کر دیا گیا جہاں پر پوسٹ مارٹم رپورٹ کے بعد لاشوں کو ورثاء کے حوالے کیا گیا۔ تینوں نوجوانوں کی نعشیں گھرمیں پہنچنے پرکہرام مچ گیا۔تینوں بھائیوں کوگزشتہ روزڈھوڈیال میں سپردِ خاک کر دیا گیا۔

In Mansehra, 3 brothers were victims of poisonous gas from the well,مانسہرہ میں 3بھائی کنویں کی زہریلی گیس کا شکار ہوئے