تابڑتوڑ حملوں کے بعد اسرائیل نے غزہ پر قیامت ڈھا دی،220 شہید

اسرائیلی فضائی حملوں میں اب تک 220 سے زائد فلسطینی شہید ہو چکے ہیں جبکہ یہ حملے مسلسل جاری ہیں۔غزہ میں موجود فلسطینی حکام نے اسرائیلی فضائی حملوں کے نتیجے میں 198 فلسطینیوں کی شہادت کی تصدیق کی ہے، جبکہ 1600 سے زائد افراد زخمی ہیں جن میں سے لگ بھگ 300 کی حالت تشویشناک بتائی جا رہی ہے۔

زخمی فلسطینی نوجوانوں کو طبی امداد کیلئے لے جایا جا رہا ہے

یاد رہے کہ اسرائیل کے وحشیانہ فضائی حملوں میں عام فلسطینیوں کو نشانہ بنایا جا رہا ہے۔
یہ امر قابل ذکر ہے کہ غزہ کو اسرائیل نے 2007 سے محصور کر رکھا ہے۔ گذشتہ کئی برس سے وہاں مقیم فلسطینیوں کو بدترین معاشی حالات کا سامنا ہے غربت 40 فیصد سے بڑھ کر 60 فیصد تک جا چکی ہے۔
24 گھنٹے میں سے 12 گھنٹے لوڈ شیڈنگ رہتی ہے۔اسرائیل کے ہاتھوں محصور غزہ میں ادویات اور دیگر بنیادی ضروری اشیاء کی قلت پیدا ہو چکی ہے جبکہ موجودہ صورت حال میں حالات مزید خراب ہو گئے ہیں ۔

After Hammas attacks, Israel unleashed an apocalypse on Gaza, 220 martyrs,تابڑتوڑ حملوں کے بعد اسرائیل نے غزہ پر قیامت ڈھا دی،220 شہید

واضح رہے کہ گزشتہ شب حماس کی جانب سے اسرائیل پر 5 ہزار راکٹ فائر کیے گئے جس کے بعد اسرائیل اور فلسطین کے درمیان عملا” جنگ چھڑ چکی ہے۔حماس کی جانب سے بھی پوری قوت سے مقابلہ جاری ہے،اور اسرائیل پر زمینی، سمندری اور فضائی  ہر طرف سے حملے جاری ہیں۔

حماس کے ہاتھوں یرغمال بنائے گئے اسرائیلی فوجی

حماس کے حملوں میں اب تک سو سے زائد اسرائیلی ہلاک ہو چکے ہیں جن میں نصف سے زیادہ فوجی شامل ہیں جبکہ درجنوں فوجیوں کو یرغمال بنا لیا گیا ہے جن کی ویڈیوز سوشل میڈیا پر جاری کی جا رہی ہیں۔ جبکہ سینکڑوں کی تعداد میں زخمی بتائے جاتے ہیں۔

حماس کے فوجی ونگ نے اپنی اس کاروائی کو "آپریشن الاقصی طوفان” کا نام دیا ہے جس کے تحت ہزاروں راکٹ اسرائیل پر فائر کیے گئے ہیں۔ ان راکٹ حملوں کے بعد اسرائیلی شہر تل ابیب سمیت پورے ملک میں جنگ کے سائرن گونج اٹھے۔

اسرائیل پر حماس کے راکٹ حملوں کے بعد کے مناظر

غزہ پراسرائیلی فضائی حملوں کےبعدفلسطینی شہری محفوظ مقامات پرمنتقل ہورہےہیں۔تصاویربشکریہ الجزیرہ