بجلی چوروں سے 14 ارب 33 کروڑ وصول کر لئے۔سیکرٹری توانائی کا دعویٰ

اس سلسلے میں 3 ارب 85 کروڑ 20 لاکھ روپے وصولیوں کے ساتھ  لاہور الیکٹرک کارپوریشن یعنی لیسکو سرفہرست ہے۔

سیکرٹری پاور راشد لنگڑیال نے اپنے ایک بیان میں دعویٰ کیا ہے کہ ملک بھر میں بجلی چوروں کے خلاف کارروائیوں کے دوران 14 ارب 33 کروڑ 30 لاکھ روپے سے زائد وصولیاں کر لی گئی ہیں جبکہ  بجلی چوری کے خلاف مہم میں اب تک 10 ہزار افراد کو گرفتار 23 ہزار 152 ایف آئی آرز کا اندراج کیا گیا ہے۔

نیپرا نے بجلی 5.40روپے فی یونٹ مہنگی کرنیکی منظوری دیدی۔۔ فائل فوٹو

سیکرٹری پاور ڈویژن کا کہنا ہے کہ ریکوری میں لاہور الیکٹرک سپلائی کمپنی (لیسکو) 3 ارب 85 کروڑ 20 لاکھ روپے وصولیوں کے ساتھ سرفہرست ہے۔

انہوں نے بتایا کہ بجلی چوروں کے خلاف کارروائیوں میں حیدرآباد الیکٹرک سپلائی کمپنی (حیسکو) 2 ارب 69 کروڑ 40 لاکھ اور پشاور الیکٹرک سپلائی کمپنی (پیسکو) کی جانب سے 2 ارب 42 کروڑ کی وصولیاں کی گئی ہیں۔اس کے علاوہ سکھر الیکٹرک سپلائی کمپنی (سیپکو) نے 1 ارب 63 کروڑ اور ملتان الیکٹرک سپلائی کمپنی (میپکو) کی جانب سے 1 ارب 62 کروڑ 40 لاکھ روپے کی وصولیاں کی گئی ہیں۔

Received 14 billion 33 crores from electricity thieves. Secretary of Energy claimed,بجلی چوروں سے 14 ارب 33 کروڑ وصول