شاہدرہ جلسے سے نوازشریف کی استقبالیہ مہم شروع

اتوار کی شام این اے 123 شاہدرہ میں مسلم لیگ ن کی چیف آرگنائزر مریم نوازنے جلسے سے خطاب کرتے ہوئے کہا کہ مشکل ترین وقت میں بھی  ن لیگ اور نواز شریف کا شاہدرہ نے ساتھ نہ چھوڑا ۔ اکیس اکتوبر کو ہم سب مل کر نوازشریف سے ملنے مینار پاکستان جائیں گے کیونکہ21اکتوبر کو پاکستان کی خوشحالی واپس آرہی ہے۔ انہوں نے کہا کہ پاکستان کو اس وقت نواز شریف کی ضروت ہے۔ مہنگائی کا خاتمہ کرنے والا نواز شریف واپس آرہا ہے ۔

سابق وزیر اعظم نواز شریف کی پاکستان واپسی کا شیڈول سامنے آ گیا

ان کا کہنا تھا کہ لوڈشیڈنگ اور دہشگردی کا خاتمہ کرنے والا نواز شریف واپس آرہا ہے۔ نوازشریف سے اقتدار چھیننے والے آج عبرت کا نشان بنے بیٹھے ہیں۔ نوازشریف کو ختم کرنے کی کئی کوششیں ہوئیں۔ہر بار کی طرح نوازشریف پہلے سے طاقتور ہوکر واپس آیا۔جب نواز شریف کو نکالا تو ہمارے گھروں سے روشنی نکل گئی۔ ملک کی گلیوں ، شہروں سے سکون چلا گیا ، عوام کا سکون چھین لیا گیا۔ جس کو عبرت کا نشان بنانا چاہا آج ملک اس کے استقبال کی تیاریاں کررہا ہے۔ ہر طرف سے آواز آرہی ہے چوتھی واری فیر شیر ۔

خطاب کے آخر میں مریم نواز نے جلسہ کے شرکا سے پوچھا،کیا میرے ساتھ 21 اکتوبر کو مینار پاکستان چلو گے۔ جلسہ کے شرکا نے پرجوش نعرے لگا کر اثبات میں جواب دیا تو مریم نواز نے کہا، آپ سے 21 اکتوبر کو سہہ پہر 4 بجے مینار پاکستان پر ملاقات ہو گی۔

Nawaz Sharif's welcome campaign started from Shahdara rally,شاہدرہ جلسے سے نوازشریف کی استقبالیہ مہم شروع