نواز لیگ سے محاذ آرائی نہ کریں،شجاعت کا زرداری کو مشورہ

ذرائع کے مطابق چقہدری شجاعت نے آصف زرداری کو  نواز لیگ سے محاذ آرائی نہ کرنے کا مشورہ دیا ہے، ان کا کہنا تھا کہ دونوں جماعتوں کی بیان بازی  سے سیاسی کشیدگی  جنم لےرہی ہے، جس کا ملک متحمل نہیں ہو سکتا۔ سب کو مل جل کر چلنے کی ضرورت ہے۔ شجاعت کا کہنا تھا کہ سیاسی محاذ آرائی پر نواز شریف سے بھی بات کروں گا۔

آصف زرداری کی مسلم لیگ ق کے سربراہ  سے ایک گھنٹہ ملاقات جاری رہی ، ذرائع کے مطابق اس ملاقات  میں گلے شکوے بھی کئے گئے،  ملاقات میں آئندہ انتخابات میں انتخابی تعاون بڑھانے میں بھی غور کیا گیا۔ جبکہ  الیکشن کمیشن کی جانب سے انتخابات کی تاریخ کے اعلان کے بعد کی صورت حال پر بھی غور کیا گیا۔

ذرائع کے مطابق چوہدری شجاعت نے آصف زرداری سے پنجاب میں سیٹ ایڈجسٹمنٹ کی وعدہ خلافی کا شکوہ کرتے ہوئے کہا کہ پی ڈی ایم نے سیٹ ایڈجسٹمنٹ کا وعدہ کیا تھا، ن لیگ سےرابطےکی کوششیں کی گئیں لیکن ابھی تک جواب نہیں آیا۔

Do not confront Nawaz League, Shajaat advises Zardari, نواز لیگ سے محاذ آرائی نہ کریں،شجاعت کا زرداری کو مشورہ