نواز۔ زرداری سمیت سیاست دانوں کے 80 کرپشن کیس پھر کھل گئے

دوسری جانب تبدیل ہوتی ہوئی صورت حال کے پیش نظر سابق وزیراعظم اور نون کے صدر شہباز شریف لندن سے پاکستان پہنچتے ہی  آج جمعرات کو ایک بار پھر برطانوی دارالحکومت کے لیے اڑان بھر رہے ہیں جسے ان کا ہنگامی دورہ قرار دیا جا رہا ہے۔

ذرائع کا کہنا ہے کہ نیب نے جن مقدمات کی بحالی کے لیے احتساب عدالت کو خط لکھا ہے ان میں سابق صدر آصف علی زرداری کے خلاف جالی اکاؤنٹ کیس بھی شامل ہے جبکہ سابق وزیراعظم اور پیپلز پارٹی کے رہنما راجہ پرویز اشرف کے خلاف رینٹل پاور کیس بھی کھل گیا ہے۔

اسی طرح نواز شریف ،آصف علی زرداری اور ایک اور سابق وزیراعظم یوسف رضا گیلانی کے خلاف توشہ خانہ کا کیس کھل گیا ہے جس میں ان پر گاڑیاں لے کر واپس نہ کرنے کا الزام ہے۔علاوہ ازیں ایک اور وزیر اعظم سابق وزیراعظم شاہد خاقان عباسی اور سابق وزیر اعلی سندھ مراد علی شاہ کے خلاف مقدمات بھی بحال کر دیے گئے ہیں ۔
دوسری طرف سابق وزیر خزانہ اسحاق ڈار کے خلاف امدن سے زائد اثاثہ جات کا داخل دفتر کیا گیا کیس بھی دوبارہ کھل گیا ہے۔
واضح رہے کہ نیب نے جن مقدمات کو دوبارہ کھولنے کی درخواست کی ہے ان کے حوالے سے مکمل ریکارڈ ایک دو دن میں احتساب عدالت کو پیش کیا جا سکتا ہے۔
یہ امر قابل ذکر ہے کہ سپریم کورٹ نے نیب ترامیم کے خلاف تحریک انصاف کے سربراہ عمران خان کی درخواست قابل سماعت قرار دیتے ہوئے پارلیمنٹ کی جانب سے کی گئی 10 میں سے  9نیب ترامیم کو کالعدم قرار دے دیا تھا جس کے بعد کئی اہم سیاسی شخصیات کے خلاف کرپشن کے مقدمات دوبارہ کھل گئے ہیں ۔

ادھر سابق وزیراعظم اور مسلم لیگ ن کے صدر شہباز شریف گزشتہ روز وطن واپس پہنچنے کے بعد ایک بار پھر آج جمعرات لندن کے لیے روانہ ہو رہے ہیں ۔

کہا جا رہا ہے کہ وہ پارٹی قائد اور بڑے بھائی میاں نواز شریف کے لیے اہم پیغام لے کر لندن جائیں گے۔لندن میں نواز شریف اور شہباز شریف کی اہم میٹنگ کا امکان ہے جس میں نواز شریف کی 21 اکتوبر کو وطن واپسی پر بھی مشاورت ہوگی۔یہ اجلاس جمعہ کو متوقع ہے جس میں لیگی قیادت اہم امور پر مشاورت کرے گی تا ہم اس اجلاس میں پارٹی رہنما شریک نہیں ہوں گے بلکہ صرف نواز شریف شہباز شریف اور مریم نواز شرکت کریں گے۔
پارٹی زرائع نے اس بات کی تردید کی ہے کہ نواز شریف کی 21 اکتوبر کو وطن واپسی کے پروگرام میں کسی قسم کا رد و بدل کیا جا رہا ہے۔

 Corruption cases of 80 politicians including Nawaz and Zardari reopened,نواز۔ زرداری سمیت 80 سیاست دانوں کے کرپشن کیس پھر کھل گئے