غیرملکی کرنسی ذخیرہ کرنے والےملزمان کی پولیس،ایف آئی اے ٹیم پرفائرنگ

اس سلسلے میں  تھانہ کوہسار پولیس کو سب انسپکٹر محمد جمیل نے مقدمہ درج کراتے ہوئے بتایاکہ پولیس  و ایف آئی اے اہلکاروں کے ہمراہ بسلسلہ انکوائری الیگل بورڈنگ فارن کرنسی شیخ مرید حسین کے گھر ریڈ کیا، جسے ہی ایف آئی اے ٹیم نے داخلی گیٹ پر دستک دی اور با آواز بلند بتایا کہ گھر کے سرچ وارنٹ موجود ہیں تو گھر کے اندر سے کلاشنکوف مسلح افراد نکلے اور  اہلکاروں پر فائرنگ شروع کر دی جس سے ایک فائر ہیڈ کانسٹیبل ندیم کی بلٹ پروف جیکٹ پر لگا ، اس کی جان  بچ گئی جبکہ دیگر افسران و اہلکاروں نے دیواروں کی آڑ میں جان بچائی۔

ایف آئی اے نے اسد عمر کو گرفتار کرنے کی تردید کردی

ایف آئی آر کے مطابق  اس دوران چار سے پانچ  نا معلوم افراد پسٹل  سے فائر نگ کرتے ہوئے گھر کی ایک جانب سے فرار ہونے میں کامیاب ہو گئے جن کو سامنے آنے پر شناخت کیا جا سکتا ہے، تاہم ایک شخص کو حکمت عملی سے اسلحہ سمیت قابو کر لیا جس نے اپنا نام  شیخ مرید حسین بتایا، پولیس نے مقدمہ درج کر لیا۔

ادھر ترجمان پولیس کاکہنا ہے کہ ایف آئی اے نے پولیس کی مدد سے ایف سکس ٹو میں غیرملکی کرنسی کی غیرقانونی ذخیرہ اندوزی کے سلسلے میں وارنٹ کے ساتھ تلاشی کے لئے ریڈ کیا،ریڈ کے دوران گھر کے اندر سے مسلح ملزمان نے ایف آئی اے ٹیم پر سیدھی فائرنگ کردی،کچھ ملزمان فائرنگ کرتے ہوئے گھر کی پچھلی سائیڈ سے فرار ہوگئے جن کی گرفتاری کے لئے چھاپے مارے جارہے ہیں۔

Police, FIA team  under firing by accused of hoarding foreign currency, غیرملکی کرنسی ذخیرہ کرنے والےملزمان کی پولیس،ایف آئی اے ٹیم پرفائرنگ