راولپنڈی میں4 جانیں دیرینہ دشمنی کی بھینٹ چڑھ گئیں

تھانہ روات کی حدود یوسی بگا شیخاں کے رہائشی مبشر صدیق نے پولیس کو مقدمہ درج کر اتے ہو ئے بتایاکہ نعمان نے ساتھیوں سمیت آکر فائرنگ کی اور میرے بھائی رضوان عرف راجو ولد صدیق محمد، سجاد ولد غالب حسین اور محمد مدثر حسین ولد کرامت حسین قتل کو قتل کر دیا ، جبکہ محمد ثاقب کو شدید زخمی کر دیا ، ادھر فائرنگ کے تبادلے میں ملک نعمان عرف نومی بھی مارا گیا۔

پولیس نے واقعہ کا مقدمہ درج کر کے تفتیش شرو ع کر دی ، جبکہ جاں بحق افراد کی نعشوں کو پوسٹ مارٹم کے بعد لواحقین کے حوالے کر دیا گیا ، مقامی ذرائع کے مطابق  رضوا ن اور ثاقب ایک ماہ قبل قتل کے مقدمہ میں ضمانت پر رہا ہو کر آئے تھے ۔ نعمان نے رضوان کو فون کر کے  راضی نامے کے لئے گھرآنے کی اجازت دینے پر مجبور کیا اور منصوبہ بندی کے ساتھ آکر فائرنگ کی۔