صدیق چوک مری میں سیوریج لائن کا لنٹر گرنے سے گڑھا پڑ گیا

تفصیلات کے مطابق مری کے مصروف ترین لوئر بازار صدیق چوک  میں سڑک کے درمیان سیوریج لائن کا لینٹر گرنے سے گڑھا بن گیا جو کسی بھی وقت کسی بڑے حادثے کا سبب بن سکتا ہے ۔

لنٹر ٹوٹنے کے باعث سڑک پر بڑا شگاف پڑ گیا ہے اور وہاں سے گزرنے والے طلبہ وطالبات اور لوئر بازار کے رہائشیوں کو شدید مشکلات کا سامنا کرنا پڑ رہا ہے۔گڑھا پڑنے سے روڈ مزید تنگ ہو چکا ہے ۔آنے جانے والی گاڑیاں کسی بھی حادثے کا شکار ہو سکتی ہیں۔

پیپلز پارٹی کے رہنما اور سابق جنرل کونسلر مری سٹی محی الدین پرے،طلبا وطالبات کے والدین اور اہل علاقہ نے اے ڈی سی آر کیپٹن (ر) قاسم اعجاز اے سی مری کامران صغیر اور سی او مری کنٹونمنٹ سے مطالبہ کیا ہے کہ اس گڑھے کو فوری طور پر مرمت کیا جائے۔