مری کے مغوی خاندان کی بازیابی کے لیے نیشنل پریس کلب کے باہر احتجاج

29 اگست کو صادق آباد راولپنڈی سے مبینہ طور پر لین دین کے تنازع پر اغوا ہونے والی مری کی فیملی کی بازیابی کے لیے نیشنل پریس کلب اسلام آباد کے باہر بہت بڑا احتجاجی مظاہرہ جاری ہے۔

مظاہرے کی کال کو ہسار یونائٹڈ فرنٹ کی جانب سے دی گئی تھی جس کے سربراہ سفیان عباسی سمیت مختلف جماعتوں ،تنظیموں اور سول سوسائٹی کے افراد کے علاوہ بڑی تعداد میں عوام پریس کلب کے باہر موجود ہیں۔

واضح رہے کہ چھ ستمبر کو ہونے والے اس احتجاج کا فیصلہ دو روز قبل ایک مشاورتی اجلاس میں کیا گیا تھا جس میں مغویوں کی بازیابی کے لیے 24 گھنٹے کا الٹی میٹم دیا گیا تھا۔

یہ بھی پڑھیں فیملی کے اغوا کیخلاف کوہسار یونائیٹد فرنٹ کا احتجاج کا اعلان

یہ امر قابل ذکر ہے کہ بھگواڑی مری سے تعلق رکھنے والے حاجی اشتیاق عباسی مرحوم کے خاندان کے افراد کو تھانہ صادق اباد کی حدود سے پولیس کی سرپرستی میں مبینہ طور پر لین دین کے تنازعے کی بنا پر اغوا کر لیا گیا تھا۔

خاندان کی بزرگ خاتون جو ایک شہید فوجی افسر کی بیوہ ہیں وہ بھی مغویوں میں شامل تھیں جنہیں راستے میں طبیعت بگڑنے پر بہو سمیت چھوڑ دیا گیا تاہم دو خواتین اور بچے اب بھی مبینہ طور پر حبس بے جا میں ہیں جن کی بازیابی کے لیے ڈھائی کروڑ روپے کی رقم طلب کی جا رہی ہے جس پر لین دین کا تنازعہ تھا اور جسے متاثرہ خاندان نے ہائی کورٹ میں چیلنج کر رکھا ہے۔

دوسری طرف متاثرہ خاندان کے اغوا کے بعد ان کی بازیابی کے لیے لاہور ہائی کورٹ راولپنڈی بینچ میں ایک پٹیشن بھی دائر کی گئی ہے۔

مغوی خاندان اور بچے بازیاب نہ ہو ئے تو تاریخ ساز دھرنا دیں گے ،سفیان عباسی

اس سلسلے میں جاری کردہ اعلامئے کے مطابق

کوہسار یو نائیٹڈ فر نٹ کے زیر اہتمام راولپنڈی کے علاقے صادق آباد سے دومعصوم بچوں ، خواتین اور دو مردوںکو غیر قانونی طور پر پولیس کی مدد سے اغواءکے خلاف اور ان کی بازیابی کے لیے نیشنل پر یس کلب اسلام آباد کے سامنے عظیم الشان احتجاجی مظاہر ے میں ہزاروں افراد نے شر کت کی، مظاہرے کی قیادت کوہسار یونائیٹڈ فر نٹ کے رہنمامحمد سفیان عباسی نے کی،احتجاجی مظاہرے میں متاثرہ فیملی کے لواحقین سمیت مری ، راولپنڈی اور اسلام آباد میں مقیم سیاسی، سماجی و کاروباری شخصیات نے بھی شر کت کی جبکہ احتجاجی مظاہرے سے مسلم لیگ ن کے رہنماء، اُسامہ اشفاق سرور، جماعت اسلامی کے امیر غلام احمد عباسی ، سجاد االحسن عباسی ، پاکستان پیپلز پارٹی کے رہنماءآصف شفیق ستی ، راہ حق پارٹی کے محمد اشتیاق عباسی ، عام لیگ پارٹی کے رہنماء نعمان عباسی،عثمان نصیر، انجمن تاجران مر ی کے صدرطفیل اخلاق عباسی ،راج عباسی ،ناصر عباسی ، اور دیگر معززین علاقہ نے بھی احتجاجی مظاہرے سے خطاب کیا ۔

c96382cc 4175 4089 9f91 881cf85820d6 jpg مری کے مغوی خاندان کی بازیابی کے لیے نیشنل پریس کلب کے باہر احتجاج

اپنے خطاب میں محمد سفیان عباسی نے کہا صادق آباد پولیس سٹیشن میں پولیس کی نفری کی ملی بھگت سے ایک خاندان کو اغوا ءاور چادر اور چاردیواری کے تقدس کو پامال کر کے معصوم بچوں اور خواتین کو گزشتہ دس دن سے حبس بیجا میں رکھا گیا ہے جس سے اہل کوہسار میں شد ید غم و غصہ پایا جا تا ہے ، ہم پو لیس اور اداروں سے مطالبہ کر تے ہیں کہ اس فیملی کو فوری طور پر بازیاب کروایا جا ئے، تاکہ شہر کا امن و امان خراب نہ ہو ، انھوں نے کہا مغوی خاندان اور بچے بازیاب نہ ہو ئے تو پھر اہل کوہسار مشاورت

کےبعد تاریخ ساز احتجاج اور دھرنا دیں گے۔

اس موقع پر ہم چیف جسٹس آف پاکستان اور لاہور ہائی کو رٹ کے چیف جسٹس سے بھی مطالبہ کر تے ہیں کہ پولیس کے اس ظالمانہ اقدام کے خلاف سوموٹو الیکشن لیں اور ملزمان کو نشان عبرت بنایا جا ئے تاکہ آئندہ اس قسم کی لاقانونیت کا خاتمہ ہو سکے ، ریاست کے اندر اس قسم کے واقعات کو رونما ہونا اس بات کو ثا بت کرتا ہے کہ یہاں قانون اور آئین نام کی کو ئی چیز نہیں جس کی لاٹھی اس کی بھینس کا قانون رائج ہے ۔

سفیان عباسی نے کہا صادق آباد فیملی اغواہ کیس خطہ کوہسار کے عوام کی غیرت کا سوال ہے،یہ واقعہ ہمارے علاقے کی عزت و غیرت کا معاملہ ہے،کسی کو بھی اجازت نہیں دیں گے کہ کسی کی چادر اور چار دیواری کا تقدس پامال کرے ہم متاثرہ فیملی کے ساتھ کھڑے ہیں اور ہم اس کیس میں ملوث عناصر کو کیفر کردار تک پہنچنے تک آرم سے نہیں بیٹھیں گے۔
احتجاجی مظاہرے کے شر کاءسے خطاب کر تے ہو ئے اُسامہ اشفاق، آصف شفیق ستی ، اشتیاق عباسی اور دیگر نے اس واقعے کی شدید الفاظ میں مزمت کر تے ہو ئے کہا معصوم بچوں ، خواتین اور مردوںکو غیر قانونی طور پر پولیس کی مدد سے اغواءکرنا ریاستی دہشت گردی کے مترادف ہے ، ہم مطالبہ کر تے ہیں کہ اغواءکی گئی فیملی اور بچوں کو بحفاظت بازیاب کروایا جا ئے اور اس وقعے میں ملوث افراد کو فوری طور پر قرار واقعی سزاءدی جا ئے ،

مری کے مغوی خاندان کی بازیابی کے لیے نیشنل پریس کلب کے باہر احتجاج

مری کے مغوی خاندان کی بازیابی کے لیے نیشنل پریس کلب کے باہر احتجاج

یہ بھی پڑھیں فیملی کے اغوا کیخلاف کوہسار یونائیٹد فرنٹ کا احتجاج کا اعلان

Related

متعلقہ خبریں