پرویز الہٰی رہائی کے فوری بعد دوبارہ گرفتار

پرویز الہٰی رہائی کے فوری بعد دوبارہ گرفتار

پرویز الہٰی کو اسلام آباد ہائیکورٹ کے حکم پر پولیس لائن اسلام آباد سے رہا کیا گیا تھا، اسلام آباد پولیس اور ایف آئی اے نے دوبارہ حراست میں لیا، پولیس پرویز الہٰی کو دوبارہ پولیس لائنز کے اندر لے گئی۔

یہ بھی پڑھیں دیرینہ دشمنی کاشاخسانہ۔جنازے میں شریک شخص فائرنگ سےہلاک.

دوسری جانب اسلام آباد پولیس کا کہنا ہے کہ پرویز الہٰی کو تھانہ سی ٹی ڈی نے مقدمہ نمبر 3/23 میں گرفتار کیا ہے۔
پرویزالہیٰ کے وکیل عبدالرزاق ایڈووکیٹ نے میڈیا سے گفتگو کرتے ہوئے کہا دن دیہاڑے پرویزالہیٰ کواغوا کر کے نامعلوم جگہ لے گئے، اس وقت تمام حدیں کراس ہو چکی ہیں، یہ آئین وقانون کا مذاق اڑانے کے مترادف ہے۔

یہ بھی پڑھیں احتجاج رنگ لے آیا۔آزادکشمیر میں بجلی بلوں پراضافی ٹیکس واپس

واضح رہے کہ اسلام آباد ہائیکورٹ نے پرویزالہٰی کی تھری ایم پی او کے تحت نظربندی معطل کرتے ہوئے انہیں رہا کرنے کا حکم دیا تھا، عدالت نے پرویز الہٰی کو آئندہ سماعت پر پیش ہونے اور کسی قسم کا کوئی بیان نہ دینے کی بھی ہدایت کی تھی۔