شاہد خاقان عباسی کے کمشنرسے مذاکرات،مری آپریشن پرمعاملات طے

اس موقع پر مری  آپریشن کے حوالے سے اہم فیصلے کئے گئے جن کے مطابق ایکسپریس وے کے دونوں اطراف 120 فٹ میں لینڈ ایکوائر نہیں کی جائے گی ، 66 فٹ کے علاوہ کسی قسم کا کوئی آپریشن نہیں کیاجائے گا اور98 فٹ ہل سائیڈ پر این ایچ اے حکام سے بات چیت کی جائے گی،

مذاکرات میں طے کیا گیا کہ مری سٹی اور ایکسپریس وے کے مسترد شدہ نقشہ جات کے حوالے سےمقامی سٹیک ہولڈروں اور اربن یونٹ کیساتھ مل کر ہر ایک عمارت کامعائنہ کریں گے اور اپنی سفارشات حکومت کو کوپیش کریں گے اوراس دوران کسی بھی عمارت کو منہدم نہیں کیاجائے گا۔

کمشنر کی ہدایت پر بلڈنگ بائی لازکے حوالے سے کمیٹی قائم کردی گئی ہے جو مشاورت سے طویل المدتی بائی لاز اربن یونٹ کے ساتھ مل کرمرتب کرے گی ۔اس پورے عمل کے دوران نئی تعمیرات نہیں کی جائیں گی اور اگر کوئی نئی تعمیرات کرے گا تو کمیٹی اس کی جواب دہ نہیں ہو گی۔

کمشنر راولپنڈی سے ہونے والی ملاقات میں ہوٹل ایسوسی ایشن مری رجسٹرڈ کے چیئرمین راجہ عرفان عباسی، صدر راجہ یاسر ریاست عباسی اورجنرل سیکرٹری سلیم اکابر عباسی ، اسداقبال عباسی ایڈووکیٹ ،شوکت علی عباسی،ضیاء اللہ عباسی،کرنل امجدعباسی،رحمن نواز،ساجد محمود عباسی،کرنل(ر) انوار عباسی اور ارشد عباسی کے علاوہ مری سٹیزن فورم سربراہ راجہ مسعود آصف عباسی بھی شامل تھے۔