کراچی میں آشوب چشم کی وبابڑھنے لگی-یومیہ سیکڑوں شہری متاثر

دوسری طرف تشویشناک امر یہ ہے کہ اسپتالوں میں ادویات موجود نہیں ہیں اور نہ ہی مریضوں کی رہنمائی کیلئے کوئی خصوصی انتظام کیا گیا ہے۔

طبی ماہرین کے مطابق کراچی میں آشوب چشم کے  کیسز  زیادہ تعداد میں رپورٹ ہورہے ہیں۔یہ مرض ایک سے دوسرے شخص کو منتقل ہوجاتا ہے،جس کا شکار ہر عمر کا فرد ہورہا ہے۔ماہرین کا کہنا ہے کہ آشوب چشم کے  سے بچاؤ انتہائی آسان ہے۔

لوگوں کو چاہئے کہ صفائی ستھرائی کا خاص خیال رکھیں۔ہاتھ ملانے اور گلے ملنے سے گریزکریں۔متاثرہ شخص اپنا تولیہ،تکیہ اور صابن وغیرہ الگ رکھے جسے دوسرے استعمال نہ کریں۔ اس کے علاوہ آنکھوں کی رطوبت کو ٹشو یا ململ کے نرم کپڑے سے صاف کریں ۔استعمال شدہ کپڑے اور ٹشو کو فوری طور پر تلف کردیں۔