لاہور ہائی کورٹ کے حکم پر مری تجاوزات آپریشن روک دیا گیا

لاہور ہائیکورٹ راولپنڈی بینچ  نے ضلعی انتظامیہ اور این ایچ اے حکام کو بغیر نشاندہی کارروائی کرنے اور مزید آپریشن جاری رکھنے سے روک دیا ہے ۔

واضح رہے کہ مری آپریشن کیخلاف بیرسٹر راجہ حمزہ انور عباسی ایڈووکیٹ نے کامران عباسی۔شکیل عباسی کی طرف سے آئینی درخواست دائر کر رکھی تھی۔ یاد رہے کہ ایکسپریس وے پر این ایچ اے کی حدود 66 فٹ مقرر تھی اور اس حدود میں آنے والی تجاوزات اور تعمیرات کو گرایا جا رہا تھاتاہم متاثرین کا کہنا تھا کہ این ایچ اے نے 96 فٹ کے مبہم نوٹی فیکیزشن کی آڑ میں یکطرفہ کارروائی شروع کر رکھی ہے جس کے نتیجے میں لوگوں کے کئی برسوں اے قائم اربوں روپے کے کاروبار تباہ کئے جا رہے ہیں۔