فوجی تنصیبات پرحملوں کیلئے خصوصی ٹیمیں بنائی گئی تھیں۔ پرویز خٹک

تفصیلات کے مطابق پی ٹی آئی پارلیمنٹرینز کے سربراہ پرویز خٹک  کا 9، 10 مئی کے  واقعات سے متعلق ایک بیان سوشل میڈیا پر وائرل ہورہا ہےجس میں پرویز خٹک نے بتایا کہ جب  ہماری حکومت کا خاتمہ کیا گیا اس وقت توڑپھوڑ کا منصوبہ بنایا گیا،

ان کا کہنا ہے کہ نوجوانوں سے باقاعدہ حلف لیا گیا تھا تاکہ ایک فورس تیار ہوجائے۔اس کے بعد  فوجی تنصیبات پر حملوں کیلئے الگ الگ ٹیمیں تشکیل دی گئیں، خیبرپختونخوا میں بنائی گئی ٹیم میں مراد سعید اور علی امین گنڈاپور شامل تھے۔

سابق وزیراعلیٰ کا کہنا تھا کہ دھرنوں اور جیل بھرو تحریک کا اصل مقصد لاٹھی چارج اور جیلوں میں ڈالنے کا خوف ختم کرنا تھا، فوج کے خلاف ایسا حملہ ملک کی توہین ہے۔

یہ امر قابل ذکر ہے کہ گزشتہ دنوں ایک جلسے سے خطاب میں پرویز خٹک نے چیئرمین پی ٹی آئی کو تنقید کا نشانہ بناتے ہوئے کہا تھا کہ عمران خان فرعون تھا وہ تاحیات ملک کا بادشاہ رہنا چاہتا تھا۔