مہنگائی، بجلی بلوں کیخلاف مری کے تاجر سڑکوں پر نکل آئے

قبل ازیں مرکزی انجمن تاجران مری کا مشاورتی اجلاس  صدر راجہ طفیل اخلاق کی صدارت میں منعقد ہواجس میں مری کے تاجروں کی بہت بڑی تعداد نے شرکت کی ۔اس موقع پر جنرل سیکرٹری راجہ اکمل نواز عباسی،سابق نائب ناظم مری سٹی مرزا سہیل بیگ، اورنگزیب عباسی،سیدتاج حسین بخاری،غالب بشیر عباسی،عامر عباسی، طاہرحمید، سردار نسیم عباسی اور دیگر نے خطاب کرتے ہوئے کہا کہ کمر توڑ مہنگائی کے دوران حکومت نے بھاری بھر کم بجلی بلوں نے عوام کے ہوش اڑا کر رکھ دئیے ہیں۔

مقررین نے کہا کہ مہنگائی اور بلوں میں اضافہ کسی صورت قابل قبول نہیں۔ مرکزی انجمن تاجران پاکستان کی کال کو لبیک کریں گے اور مشارت کے بعد تاریخی شٹرڈاؤن اور ہڑتال کی کال دی جائے گی۔

مقررین نے کہا ملکہ کوہسار مری اور یہاں بسنے والوں کی عزت نفس کو مجروع کرنے کی کسی صورت اجازت نہ پہلے کبھی کسی کو دی ہے نہ ہی آئندہ ایسا کرنے دیاجائے گا۔