مہنگائی کیخلاف ملک گیراحتجاج کیلئےجماعت اسلامی ایبٹ آباد تیار

اجلاس میں امیدوار صوبائی اسمبلی امجد خان جدون ،جماعت اسلامی ٹریڈ ونگ کے صدر راجہ عمران کے علاوہ ارکان جماعت کثیر تعداد میں شریک تھے۔ضلعی امیر عبدالرزاق عباسی نے 2 ستمبر کے احتجاج کے حوالہ سے تیاریوں کو حتمی شکل دینے کے تجاویز بھی حاصل کی ۔ضلعی امیر کا کہنا تھا کہ پی ڈی ایم نے مہنگائی اور بھاری ٹیکسوں کے زریعے عوام کو خودکشیوں پر مجبور کر دیا ہے۔بیرونی ایجنڈے پر اشرافیہ کوخوشحال اور غریب کا استحصال کیا جا رہا ہے۔

عبدالرزاق عباسی  نے کہا کہ ایبٹ آباد میں جماعت اسلامی کا دو ستمبر کا احتجاج ملک کے ایوانوں کو ہلا کر رکھے گا ۔ آج ملک میں غریب کو دو وقت کی روٹی کے لئے آٹا خریدنا مشکل ہے ،چینی کے ریٹ تاریخ کی بلند سطح پر ہیں۔ ماہانہ بلوں میں ڈکیتی کا نیا طریقہ ڈھونڈ لیا گیا ہے جس کو ایبٹ آباد سمیت ملک بھر کے عوام مسترد کررہے ہیں ۔

اس موقع پر جماعت اسلامی کے امیر شہر امجد خان جدون کا کہنا تھا کہ مایوسی کے بادل ختم کرکے دم لیں گے انہوں نے ایبٹ آباد کے شہریوں کو دو ستمبر کے احتجاج میں بھرپور انداز میں شرکت کی دعوت دی۔