سانحہ جڑانوالہ پر 10 مشترکہ تحقیقاتی ٹیمیں تشکیل

تفصیلات کے مطقابق پنجاب حکومت نے جڑانوالہ واقعے میں مقدمات کی تفتیش کے لیے 10 جے آئی ٹیز تشکیل دے دیں۔ اس سلسلے میں ہوم سیکرٹری شکیل احمد نے 10 علیحدہ علیحدہ جے آئی ٹیز کا نوٹیفکیشن جاری کر دیا ہے۔

https://kohsarnews.com/wp-content/uploads/2023/08/Justice-Qazi-Faiz-visited-the-affected-church-and-minority-settlement-in-Jaranwala.jpg

ایس ایس پی آر او سی ٹی ڈی فیصل آباد کو پہلی جے آئی ٹی کا سربراہ بنایا گیا ہے۔جے آئی ٹی کے دیگر ارکان میں ایس پی مدنیہ ٹاؤن فیصل آباد، ڈی ایس پی سی آئی اے فیصل آباد، انسپکٹر اور سب انسپکٹر سی آئی اے فیصل آباد شامل ہیں۔

مذکورہ جے آئی ٹی مقدمہ نمبر 1260/23 کی تفتیش کرے گی جبکہ دیگر 9 جے آئی ٹیز بھی جڑانوالہ میں مسیحی عبادت گاہوں کے جلاؤ گھیراو کے حوالے سے درج مقدمات کی تفتیش کریں گی اور چالان تیار کر کے عدالت میں بھجوائیں گی۔

یاد رہے کہ 16 اگست کو پنجاب کے شہر جڑانوالہ میں قرآن پاک کی بے حرمتی کے  مبینہ واقعے  کے بعد ہونے والے  واقعات پر دہشت گردی اور جلاؤ گھیراؤ کی دفعات کے تحت 5 مقدمات درج کیے گئے تھے، جبکہ مساجد سے اعلانات کرکے عوام کو اقلیتی عبادت گاہوں پر حملہ کرنے کے لیے اشتعال دلانے والے ملزم سمیت 128 ملزمان کو بھی گرفتار کرلیا گیا تھا۔