آئی ایس پی آر کے مطابق بھارتی فوج نےایل او سی پر سیز فائر معاہدے کی ایک بار پھر خلاف ورزی کرتے ہوئے بلااشتعال فائرنگ کی ہے۔
مقامی ذرائع کے مطابق ضلع کوٹلی کے نکیال سیکٹر گائوں اولی میں بھارتی فوج نے گھاس کاٹتے شہری پر گولیاں برسا دیں ،فائرنگ سے 60 سالہ کشمیری محمد غیاث شہید ہو گیا ۔
واقعہ پیر21 اگست کی صبح پیش آیا، جب محمد غیاث اور کچھ خواتین کنٹرول لائن کے قریب گھاس کاٹ رہے تھے۔
مہم جوئی کا منہ توڑ جواب دیں گے۔ پاک فوج کا ردعمل
پاک فوج کے شعبہ تعلقات عامہ آئی ایس پی آر نے ایک بیان میں کہا ہے کہ بھارتی فوج نے کنٹرول لائن پر معصوم شہریوں کو نشانہ بنا کر ایک بار پھر سیز فائر معاہدے کی صریح خلاف ورزی کی ہے۔
ترجمان نے کہا کہ ہم اپنے شہریوں کے تحفظ کے لیے تمام ضروری اقدامات کریں گے اور پاکستانی عوام کے خلاف کسی بھی مہم جوئی کا منہ توڑ جواب دیا جائے گا۔
