زندگی فقط ترجیحات کا نام ہے

  لیکن یہی نوجوان اگر اپنی جوانی، طاقت، جذبوں اور سعی کو منفی کاموں کے لیے استعمال کرنا شروع کر دے تو والدین، خاندان اور قوم کے لیے کلنک کا ٹیکہ بن جاتا ہے۔

انسان مادی اور روحانی وجود کا مرکب ہے۔ اس لیے ترجیحات قائم کرتے ہوئے ان دونوں کی ترقی کو ملحوظ خاطر رکھنا ضروری ہے۔ اگر ہم روحانی وجود کو یکسر نظر انداز کر دیں تو انسان ایک روبوٹ کی طرح مال و اسباب، جاہ و مرتبہ اور آسائشات جہاں کے حصول کے لیے کولہو کے بیل کی طرح ایک دائرے میں گھومنا شروع کر دیتا ہے۔ اور اگر روحانی وجود کی خاطر ترک دنیا کر دے تو یہ رہبانیت ہے۔

نوجوانوں کے سامنے اگر زندگی کا کوئی عظیم مقصد ہو۔ والدین، اساتذہ اور خاندان ان کی حوصلہ افزائی کریں، وہ باقاعدہ منصوبہ بندی کر کے محنت اور لگن سے جدوجہد کریں تو غیر معمولی مقام کا حصول مشکل نہیں۔

نگہ بلند، سخن دل نواز، جاں پرسوز
یہی ہے رخت سفر میرے کارواں کے لیے

استدعا یہ ہے کہ آپ طالب علم ہیں، نوجوان پروفیشنل ہیں، زندگی کا علم و تجربہ رکھنے والے والدین ہیں ، صاحب جاہ و حشم ہیں یا استاد و معلم یا عالم و خطیب ہیں۔۔۔۔ آپ معاشرے میں انقلابی تبدیلی میں اہم کردار ادا کر سکتے ہیں۔ بس آج سے اسے اپنی ترجیح بنا لیں کہ آپ نے مثبت انداز فکر اپنانا ہے اور اس کی تبلیغ کرنی ہے۔

ہیں لوگ وہی جہاں میں اچھے
آتے ہیں جو کام دوسروں کے

خدا ہمیں مثبت انداز فکر اختیار کرنے اور آسانیاں تقسیم کرنے کی توفیق عطا فرمائے۔ آمین

۔۔۔۔
#راشدعباسی