کوہسار یونیورسٹی مری کا انقلابی قدم۔ ای روزگار سنیٹر کھل گیا

کوہسار یونیورسٹی مری میں نوجوانوں کیلئ انقلابی قدم اٹھاتے ہوئے ای روزگار سنیٹر کا افتتاح کردیا گیا۔جوائنٹ ڈائریکٹر فری لانسنگ ونگ احمد اسلام سیان نے افتتاح کیا ۔

اس موقع پر وائس چانسلر پروفیسر ڈاکٹر سید حبیب بخاری، رجسٹرار ڈاکٹر محسن گھمن،انچارج فیکلٹی آف کمپیوٹنگ اینڈ اپلائیڈ سائنسز ڈاکٹر وقاص بنگیال اور دیگر اعلیٰ حکام  بھی افتتاحی تقریب میں موجود تھے،

اپنے خطاب میں وائس چانسلر  ڈاکٹر حبیب بخاری نے نوجوانوں کے لیے ہنر پر مبنی تربیت کی ضرورت پر زور دیا تاکہ اس ڈیجیٹل دور میں چیلنجز سے نمٹنے کے لیے نوجوانوں کو بااختیار بنایا جا سکے۔ انہوں بتایا کہ اب تک 28ہزار سے زائد ای روزگار گریجویٹس نے ای روزگار پروگرام سے تربیت حاصل کر کے 2.4بلین روپے سے زیادہ کمائے ہیں،ای روزگار پروگرام پنجاب بھر کے نوجوانوں کو فری لانسنگ اور ڈیجیٹل مہارتوں کی تربیت فراہم کر رہا ہے،اب تک ای روزگار نے تکنیکی معلومات، مواد کی مارکیٹنگ اور ایڈورٹائزنگ، اور تخلیقی ڈیزائننگ کی تربیت دینے کے لیے متعدد پروگرام منعقد کیے گئے۔

انہوں نے مزید بتایا کہ تمام تین ماہ کے سیشنز میں 54 فیصدخواتین کی شرکت کے ساتھ 28000سے امیدواروں کو تربیت دی جاچکی ہے ۔انہوں نے کہاکہ یوتھ افیئرز اینڈ سپورٹس ڈیپارٹمنٹ اور پنجاب انفارمیشن ٹیکنالوجی بورڈ، پی آئی ٹی بی(PITB) کا ایک اقدام، ای روزگار پروگرام حکومت پنجاب کے اہم منصوبوں میں سے ایک ہے جس کا مقصد نوجوان گریجویٹس کو آن لائن پلیٹ فارمز کے ذریعے اپنی صلاحیتوں کو منیٹائز کرنے کی تربیت دینا ہے۔