دل گردے ناکارہ تو نہیں ہوگئے؟ پیشاب کےٹیسٹ سے پتہ چلانا ممکن

تفصیلات کے مطابق طبی ماہرین نے نئی  اور منفرد تحقیق میں پیشاب کے ٹیسٹ سے امراض قلب اور گردوں کی تشخیص کے حیران کن نتائج حاصل کرلئے ۔

یورپین جرنل آف ہارٹ فیلیئر کے مطابق اس سلسلے میں 7 ہزار افراد پر کی جانے والی تحقیق سے معلوم ہوا ہے کہ پیشاب کے ٹیسٹ سے ممکنہ طور پر دل کے ناکارہ ہونے کا پتا  قبل از وقت لگایا جا سکتا ہے۔

واضح رہے کہ عام طور پر ہارٹ فیلیئر کی کچھ علامات وقت سے قبل آنا شروع ہوجاتی ہیں لیکن عام لوگ ایسی علامات کو سمجھ نہیں پاتے۔ماہرین کا خیال ہے کہ عام طور پر دل اس وقت ناکارہ ہوجاتا ہے جب کسی بھی شخص کے گردے ناکارہ ہوجاتے ہیں یا وہ درست انداز میں کام نہیں کر پاتے۔

گردوں کی پیچیدگیوں اور مسائل کو وقت سے پہلے جانچنے کے لیے ماہرین عام طور پر بلڈ اور پیشاب کے ٹیسٹ بھی کرواتے ہیں اور ان سے بیماری یا مسئلے کو معلوم کیا جاتا ہے۔اسی طرح یورپی ماہرین نے دل اور گردے ناکارہ ہونے کے درمیان تعلق دریافت کرنے کے لیے منفرد تحقیق کی، جس کے نتائج نے سب کو حیران کردیا۔