جسٹس قاضی فائز کا جڑانوالہ میں متاثرہ چرچ اور اقلیتی بستی کا دورہ

نامزد چیف جسٹس آف پاکستان جسٹس قاضی فائز عیسیٰ جڑانوالہ پہنچ گئے، جہاں انہیں دانش اسکول میں پولیس اور سول انتظامیہ کی جانب سے بریفنگ دی گئی۔ جسٹس قاضی فائز عیسیٰ نے اقلیتی برادری کے متاثرین سے ملاقات بھی کی۔
علاوہ ازیں جسٹس قاضی فائز عیسیٰ نے جڑانوالہ میں متاثرہ چرچ اور اقلیتی بستی کا دورہ کیا

اور گزشتہ دنوں پیش آنے والے سانحے میں متاثر ہونے والے چرچ اور گھروں کی صورت حال کا جائزہ لیا۔
جسٹس قاضی فائز عیسیٰ نے متاثرہ مسیحی خاندانوں سے ملاقات بھی کی۔

چرچ پر حملے کی صورت میں مسلمان پر جہاد لازم ہے۔جسٹس فائز عیسٰی

اس موقع پر گفتگو کرتے ہوئےجسٹس قاضی فائز عیسی نے کہا  کہ اگر گرجا گھروں پر کوئی حملہ کرے تو مسلمانوں کا یہ فرض بنتا ہے کہ وہاس کے خلاف جہاد کریں۔
انہوں نے عیسی نگری اور ملحقہ علاقوں کے دورے کے موقع پر  ہنگامہ ارائی سے متاثر ہونے والے خاندانوں سے ملاقات کی اور انہیں نقد رقم دینے کے علاوہ متاثرین میں راشن بھی تقسیم کیا۔
اس موقع پر قاضی فائز عیسی کے ساتھ ان کی اہلیہ بھی موجود تھیں،

متاثرین سے گفتگو کرتے ہوئے جسٹس فائز عیسی کا کہنا تھا کہ جڑانوالہ کا واقعہ بہت افسوسناک ہے میں آپ سب کے غم میں برابر کا شریک ہوں ملک کے باقی شہریوں کی طرح اپ کے بھی برابر کے حقوق ہیں اور کسی کو کسی دوسرے پر کوئی برتری نہیں ۔

جسٹس فائز عیسی نے کہا کہ کوئی مسلمان ایسا نہیں جو حضرت عیسی علیہ السلام کو پیغمبر نہ مانتا ہو اور بطور نبی ان کے احترام میں کمی کا تصور بھی کر سکتا ہو۔انہوں نے کہا کہ مسیحی برادری کو اپنے چرچ بنانے کا اتنا ہی حق ہے جتنا مسلمانوں کو مسجد بنانے کا ہے اگر کوئی گرجا گھروں پر حملہ کرے تو مسلمانوں کا فرض ہے کہ وہ اس کے خلاف جہاد کریں ۔