مری میں غیر قانونی تعمیرات کیخلاف آپریشن  چوتھے روز بھی جاری

جمعہ کو  مری ایکسپریس وے مسیاڑی سے ملحقہ دیگر علاقوں میں آپریشن کیا گیا۔ اس موقع پر بھی پولیس کی بھاری نفری بھی موجودتھی۔ اے ڈی سی آر اوراین ایچ اے انتظامیہ کاکہنا ہے کہ غیر قانونی تعمیرات کیخلاف آپریشن بلاامتیاز جاری رہیگا۔

دوسری طرف  متاثرین میں عمر حیات عباسی نے میڈیا کو بتایا کہ مری ایکسپریس پر کیا جانے والا آپریشن انتقامی کاروائی اور غیر قانونی ہے ۔ہماری تمام عمارتیں این ایچ اے کے قانون کے تحت 66 فٹ سے پیچھے ہیں انہوں نے ذاتی زنجش ختم کرنے کے لئے ہمارے خلاف انتقامی کاروائی کرتے ہوئے ہماری عمارتوں کو نقصان پہنچایا، آپریشن کے نام پر ایک منعظم سازش کے تحت ہمارے کاروبار کو تباہ کرنے کی کوشس کی گئی،

انہوں نے کہا کہ پریشن کے دوران پولیس کے تین سے چار لوگوں نے ایک مخصوص ایجنڈے کے تحت ہمارے اوپر لاٹھی چارج کیا جس کی وجہ سے میرے بھائی قیصر عباسی کی ناک کی ہڈی فیکچر ہو گئی۔ میرے دوسرے بھائی کو گاڑی سے نکال کر تشدد کا نشانہ بنایا گیا اور جان بوجھ کر افرا تفری کا ماحول پیدا کیا گیا تاکہ ہم سے بدلہ لیا جاسکے جبکہ موقع پر ہمارے انتظامیہ سے مذاکرات جاری تھے اور محکمہ ہمیں 66 فٹ کے نشان سے کلیئر قرار دے چکاتھا۔