جشن آزادی پرمری میں سیاحوں کاریکارڈ توڑ سمندر امڈ آیا

واضح رہے کہ ہر سال ملک کے مختلف شہروں اور بیرون ملک سے سیاحوں کی بڑی تعداد جشن آزادی منانے کے لیے معروف ہل اسٹیشن مری کا رخ کرتی ہے۔تاہم ذرائع کا کہنا ہے کہ اس بار سیاحوں کا رش اس قدر زیادہ تھا کہ پچھلے تمام ریکارڈ ٹوٹ گئے۔مال روڈ، جی پی او چوک اور گردو نواح میں ہر طرف انسانی سر نظر آرہے تھے۔

سیاح اور ان کی فیملیز پاکستان کا 76واں یوم آزادی منانے کے لیے رات نو بجے ہی جی پی او چوک، مال روڈ اور مری کے مرکزی مقامات پر جمع ہونا شروع ہو گئے تھے۔جو نہی رات 12 بجے کا وقت ہوا ، مری کی فضائیں پاکستان زندہ باد کے نعروں سے گونج اٹھیں اور ہر طرف آتش بازی کے باعث رنگ بکھر گئے۔

واضح رہے کہ بڑی تعداد میں جشن آزادی کے لیے سیاحوں کی آمد کے پیش نظر مری انتظامیہ اور ٹریفک پولیس نے خصوصی انتظامات کر رکھے تھے۔کنٹرول روم میں اعلی افسران موجود تھے جبکہ سیاحوں کی رہنمائی کے لیے جگہ جگہ فیسلیٹیشن سینٹر بھی بنائے گئے تھے۔