خاتون سکول پرنسپل تصویر بناتے دریا میں ڈوب گئی

ڈاکٹر علامہ اقبال کا چودہ فٹ بلند مجسمہ تیار کرکے نئی تاریخ رقم کردی

تفصیلات کے مطابق سیاحتی مقام ناراں میں خاتون کا تصویر لینا جان لیوا ثابت ہوا،اکوڑہ خٹک کے سرکاری سکول کی پرنسپل   مس شاہین اختر تصویر اور ویڈیو  بنواتے ہوئے دریا میں ڈوب گئی،خاتون کی دریا میں ڈوبنے سے قبل کی ویڈیو بھی سامنے آگئی۔ وہ ایک بڑے پتھر پر اطمینان سے بیٹھ کر ویڈیو بنوانے لگیں تو پتھر دریا کے اندر لڑھک گیا اور وہ سنبھل نہ سکیں۔

اس دوران ان کی تصاویر بنانے والی ساتھی خواتین نے چیخ و پکار مچا دی اور آس پاس موجود لوگ انہیں ریسکیو کرنے کیلئے بھاگ کر آئے مگر اس دوران وہ دریا کی بے رحم موجوں کی زد میں آ چکی تھیں۔

واضح رہے کہ دریائے کنہار سمیت پہاڑی علاقوں کے دیگر دریاؤں کا بہاؤ بہت تیز اور لہریں تند ہوتی ہیں اور لوگ صورت حال کی سنگینی کا اندازہ نہیں کر پاتے جس کی وجہ سے آئے روز اس قسم کے واقعات پیش آتے رہتے ہیں۔خاتون پرنسپل شاہین اختر کی نماز جنازہ آج صبح دس بجے زریاب کالونی پشاور میں ادا کی جائے گی۔