سول ہسپتال مری میں ڈائلیسز یونٹ فعال ، نرسیں بھرتی کرنے کا اعلان

ڈاکٹر جمال ناصر نے تحصیل ہیڈکوارٹر ہسپتال مری او۔پی۔ڈی بلاک، لیبارٹری، فارمیسی،بلڈ بنک اور ڈائلیسز سنٹر کا معائنہ کیا اور دورے کے بعد پریس کانفرنس میں بتایا کہ نگراں وزیر اعلیٰ پنجاب محسن نقوی تحصیل ہیڈکوارٹر ہسپتال مری کے معاملات میں ذاتی دلچسپی لے رہے ہیں اور ان کی ہدایات کی روشنی میں چودہ اگست سے قبل تحصیل ہیڈکوارٹر ہسپتال مری میں ڈائلیسز یونٹ کو فعال کر دیا جائے گا اور ہسپتال کیلئے 22 نرسز کو بھی بھرتی کیا جائے گا،

انہوں نے مریضوں اور ان کے لواحقین سے ہسپتال میں دستیاب سہولیات کے بارے میں معلومات بھی حاصل کیں اور ہسپتال انتظامیہ کو ہدایات دیں کہ مریضوں کی بہتری کیلئے ہر ممکن اقدامات کریں اس موقع پر اسسٹنٹ کمشنرمری کامران یوسف، ڈسٹرکٹ ہیلتھ آفیسرضلع مری ڈاکٹر اظہر عباسی بھی صوبائی وزیر صحت کے ساتھ موجود تھے۔