سندھ سے فرار ہونے والی سیما ‘را’ کی افسر بنے گی؟

یہ پیشکش جانی فائر فوکس نامی پروڈکشن ہاؤس کی جانب سے کی گئی ہے، غیرملکی میڈیا رپورٹس کے مطابق جس فلم کے لیے سچن اور سیما سے رابطہ کیا گیا ہے وہ ان کی لو اسٹوری نہیں بلکہ قتل کی تحقیق کے گرد گھومتی کہانی ہوگی۔

مذکورہ پروڈکشن ہاؤس  راجستھان میں قتل کیے گئے ایک درزی کنہیا پر فلم بنائے گا۔ فلم پروڈیوسر امیت جانی کا کہنا ہے کہ اگرچہ وہ سیما اور سچن کی لو سٹوری سے متاثر ہیں مگر وہ سیما کو فلم میں را کی خاتون افسر کے طور پر دیکھنا چاہتے ہیں۔یوں دراصل وہ نوبیاہتا جوڑے کی مالی مشکلات کم کرنا چاہتے ہیں،

دوسری طرف ذرائع  کا کہنا ہےکہ سچن اور سیما نے فی الحال مذکورہ فلم میں کام کرنے کی حامی نہیں بھری۔ یاد رہے کہ چار بچوں کی ماں  سیما کراچی میں8 سال سے رہائش پذیر تھی، پب جی کھیلتے ہوئے بھارتی ریاست اتر پردیش کے سچن سنگھ سے دوستی ہوئی اور پھر اس سےشادی  کیلئے نیپال کے راستے بھارت جا پہنچی۔