حکومت نے مدارس کی رجسٹریشن کا مسودہ تیار کر لیا

شہباز شریف حکومت نے اپنی مدت ختم ہونے سے پہلے مدارس کے حوالے سے اہم قانون سازی کی تیاری کر لی ہے اور دینی مدارس کی رجسٹریشن اور ریگولیشن کیلئے قانونی مسودہ تیار کر لیاگیا ہے۔

حکومت نے مدارس کی رجسٹریشن کا مسودہ تیار کر لیا

مجوزہ قانون کے تحت کوئی دینی مدرسہ ضروری اور درکار قانونی تقاضے پورے کئے بغیرکام نہیں کر سکے گا۔ وزیر اعظم نے قانونی مسودے کی منظوری وفاقی کابینہ سے لینے کی اجازت دے دی،کابینہ کی منظوری کے بعد  اس حوالے سےبل پارلیمنٹ میں پیش کیا جائے گا،  واضح رہے کہ پاکستان کا نام گرے لسٹ سے نکلنے کے بعد کے حالات میں مجوزہ قانون سازی کی اہمیت بڑھ گئی ہے۔

یہ بھی پڑھیں لیبیا میں انسانی اسمگلرز کے قبضےسے385 پاکستانی چھڑا لئےگئے

حکومتی ذرائع کے مطابق پاکستان نے ایف اے ٹی ایف ایکشن پلان کے تحت ٹھوس اقدامات کئے، ملک میں رجسٹریشن اور ریگولیشن سے متعلق پرانے قوانین منسوخ کرکے نئے بنائے گئے، تمام غیر حکومتی اور رضاکارانہ تنظیموں کے قوانین منسوخ کر کے نئے بنائے گئے۔خیراتی اداروں، ٹرسٹس اور وفاق کے قوانیں بھی منسوخ کر کے نئے بنائے گئے، صوبوں، وفاقی دارالحکومت سمیت پورے ملک میں پرانے قوانین ختم، نئے بنائے گئے۔