باجوڑ، جے یو آئی کے ورکرز کنونشن میں دھماکا، 35 افراد جاں بحق، 50 زخمی

باجوڑ، جے یو آئی کے ورکرز کنونشن میں دھماکا، 35افراد جاں بحق، 50 زخمی

میڈیا نیوز کے مطابق دھماکا خیبر ایجنسی میں واقع علاقے خار کے دبئی موڑ کے قریب ہوا جہاں جے یو آئی کا جلسہ جاری تھا، دھماکے اطلاع ملتے ہی پولیس اور امدادی ادارے جائے وقوع پر پہنچ گئے اور زخمیوں کو اسپتال منتقل کرنا شروع کردیا۔
پولیس کا کہنا ہے کہ دھماکا جے یو آئی (ف) کے ورکرز کنونشن میں ہوا، ڈی آئی جی مالا کنڈ کا کہنا ہے کہ باجوڑ میں دھماکے کی معلومات لے رہے ہیں، دھماکا کے بعد قانون نافذ کرنے والے اداروں نے علاقے کو گھیرے میں لے لیا ہے، دھماکا کس نوعیت کا ہے تعین کیا جارہا ہے۔
امدادی ادارے کے ذرائع نے کم از کم 35 افراد کے زخمی ہونے اور انہیں اسپتال منتقل کرنے کی تصدیق کی ہے۔

یہ بھی پڑھیں راجن پور میں خوفناک ٹریفک حادثہ، 5 افراد جاں بحق

جے یو آئی نے حملے کی مذمت کرتے ہوئے انصار الاسلام کے کارکنوں سے زخمیوں کے لیے خون دینے کے لیے فوری طور پر اسپتال پہنچنے کی ہدایت کی ہے۔
جمعیت علماء اسلام کے مرکزی سیکریٹری جنرل سینیٹر مولانا عبدالغفورحیدری نے کہا ہے کہ منصوبے کے تحت حالات خراب کیے جارہے ہیں، ہماری جماعت ایک پرامن جماعت ہے، ہم نے ہمیشہ پُرامن سیاسی جہدوجہد کا راستہ اپنایا، انصار الاسلام کے رضاکار خون دینے کی لیے فوری طور پر اسپتال پہنچیں۔