عالیہ حمزہ کی فیملی پارلیمنٹ لاجز سے بیدخل

واضح رہے کہ عالیہ حمزہ 9 مئی حملوں کے کیس میں ملوث ہونے کے باعث اس وقت جیل سے مقدمے کاسامنا کر رہی ہیں۔

سی ڈی اے کے  عملے نے بدھ کو کارروائی کرتے ہوئے عالیہ حمزہ کے لاج سے سامان اور اہل خانہ کو نکال دیا۔عملے نے عالیہ حمزہ کا سامان نکال کر لاج کو تالے لگا دیئے، اس دوران اہلکاروں کی جانب سے عالیہ حمزہ کے سامان کی فہرست بھی تیار کی گئی تاکہ کارروائی ریکارڈ پر رہے۔

پارلیمنٹ لاجز کےذرائع  کا کہنا ہے کہ  تحریک انصاف کی خاتون رہنما عالیہ حمزہ کا لاج سپیکر قومی اسمبلی راجہ پرویز اشرف کی ہدایات پر خالی کرایا گیا ہے۔

اس حوالے سے  پارلیمنٹ لاجزکی انتظامیہ کا کہنا ہے کہ عالیہ حمزہ کی رہائش گاہ کسی اور ممبر کو الاٹ کی گئی ہے، جبکہ قبل ازیں پی ٹی آئی کے ارکان کو لاجز خالی کرنے کے نوٹس جاری کئے جا چکے ہیں، یہ کارروائی اچانک نہیں کی گئی۔