بھارتی ڈیموں میں پانی خطرناک حد تک بلند،پاکستان میں سیلاب کا خطرہ

بھارتی ڈیموں میں پانی کی سطح خطرناک حد تک بلند ہوگئی، جس کے نتیجے میں  پاکستانی دریاؤں میں ایک بار پھر سیلاب کےخطرات بڑھ گئے۔ بھارتی دریاؤں ستلج، بیاس اور راوی پر بننے والے ڈیم بالترتیب، 67 فی صد، 75 فی صد اور 89 فی صد پانی سے بھر گئے ہیں

سیلاب کےخدشات کے پیش نظر پی ڈی ایم اے اور ضلعی انتظامیہ ہنگامی صورتحال سے نمٹنے کیلئے سرگرم ہوگئی۔

دوسری جانب محکمہ موسمیات کا کہناہے کہ آنے والے دنوں میں مزید بارشیں متوقع ہیں جس سے پانی کے بہاؤ میں مزید اضافہ ہوگا۔پی ڈی ایم اے کے مطابق ممکنہ خطرات کے پیش نظرمتعلقہ ادارے ہائی الرٹ پرہیں، ضلعی انتظامیہ سے دریاؤں کی صورت حال سے مسلسل آگاہی حاصل کی جارہی ہے، جبکہ مقامی آبادیوں کے ساتھ رابطے کا نظام بھی موجود ہے، علاوہ ازیں دریاؤں کے راستے سے تجاوزات کے خاتمے کو یقینی بنایا جارہا ہے۔