الیکشن کمیشن 11 اکتوبر تک انتخابات کیلئے مشروط تیار

اسمبلی 12 اگست کو تحلیل ہونے پر عام انتخابات 11 اکتوبر تک کرا دیں گے،الیکشن کمیشن

میڈیا سے غیر رسمی گفتگو کرتے ہوئے سیکرٹری الیکشن کمیشن عمر حمید نے کہا ہے کہ کوشش ہے کہ آئندہ عام انتخابات سے قبل میڈیا سے رابطے میں رہیں،

ان کا کہنا تھا کہ انتخابی اصلاحات کمیٹی کو الیکشن کمیشن نے 60 سے زائد سفارشات دی تھیں،اورمیری معلومات کے مطابق ہماری تقریباً ساری سفارشات مان لی گئی ہیں۔
انہوں نے کہا جب تک باضابطہ ہماری سفارشات منظور نہیں ہو جاتیں اس وقت تک کچھ کہنا قبل از وقت ہوگا،

ترجمان نے کہا کہ الیکشن کمیشن عام انتخابات کے انعقاد کیلئے تیار ہے، اگر نئی مردم شماری کی منظوری ہو جاتی ہےتو ہمیں حلقہ بندیوں کیلئے 4 ماہ لگیں گے،اور اگر اسمبلیاں 12 اگست کو تحلیل ہوتی ہیں تو عام انتخابات 11 اکتوبر تک کرا دیں گے۔