زخمی شیر کی دھاڑسے بیروٹ کےمکین پریشان

تفصیلات کے مطابق ایبٹ آباد کی یوسی بیروٹ کی ویلیج کونسل کہو شرقی کے محلہ جات علی آباد، کنواں، سندھواری ہل،اور ڈونگ وغیرہ کے عین  سامنے مکش پوری کے پہاڑ کے دامن میں  کنیر کس کے پاس تقریباً پندرہ دن سے ببر شیر کے دھاڑنے کی آوازیں سنائی دےرہی ہیں۔

علی آباد کے رہائشی سابق اسکول ٹیچر عبد الستار عباسی نے بتایا کہ کم و بیش دو ہفتے سے یہ سلسلہ جاری ہے اور تین روز قبل مقامی خواتین نے مبینہ طور پر زخمی ببر شیر کو  سندھ واری ہل اور نیلو نی نال کے پاس دیکھابھی ہے۔ انہوں نے اہل علاقہ کی جانب سے محکمہ وائلڈ لائف سے اپیل کی کہ اس شیر کو مقامی آبادیوں کو نقصان پہنچانے سے پہلے رسکیو کرکے محفوظ مقام پر پہنچا یا جائے تاکہ مقامی آبادی اپنی جان  اور مال مویشیکے حوالے سے خود کو محفوظ تصور کر سکے۔