بارش 12 مزدوروں کیلئے موت کا پروانہ بن گئی

19 جولائی, 2023 6:49 صبح 10 مناظر

طوفانی بارش 12 مزدوروں کیلئے موت کا پروانہ بن گئی۔ وفاقی دارالحکومت اسلام آباد کے پشاور روڈ پر گولڑہ موڑ کے قریب شدید بارش سے دیوار گر گئی، جس کے نتیجے میں ذیر تعمیر عمارت پر کام کرتے 12 مزدور دیوار کے نیچے دب کر جاں بحق ہو گئے۔
امدادی ادارے 1122 کے مطابق فوری طور پر ریسکیو ٹیموں کو جائے وقوع پر پہنچا دیا گیا۔پولیس کے مطابق امدادی ٹیموں نے مشین کی مدد سے 12 افراد کی لاشیں نکال لی ہیں۔

اسلام آباد: دیوار گر گئی، دب کر 12 افراد جاں بحق

پولیس نے بتایا ہے کہ مزید افراد کی تلاش کے لیے مشین کی مدد سے ریسکیو آپریشن جاری ہے۔
پولیس کا کہنا ہے کہ گرنے والی دیوار تقریباً 100 فٹ لمبی اور 11 فٹ اونچی تھی،

جس کی آڑ میں پل کی تعمیر کے لیے موجود مزدوروں نے ٹینٹ لگا رکھا تھا۔
دوسری جانب اسلام آباد کے تھانہ کھنہ کے علاقے محمدی ٹاؤن میں دیوار گرنے کے

ایک اور واقعے میں 11 سال کی بچی جاں بحق ہو گئی۔