ایک لاجواب پہاڑی غزل

مُومن اَشنَیں، مُنکَر اَشنَیں
دِل کعبے وِچ لَشکَر اَشنَیں

عِشق اِچ بندہ پَہاتیاں چِھکناں
اَوخے، اَوخے نَکّر اَشنَیں

اُس نی اَکھّیں وِچٌا پِیتی
میکی اِچرے چَکّر اَشنَیں

جِس پاسے وَخ پُھل سَٹنا یاں
اُس پاسوں وی پَتھّر اَشنَیں

میں کَیہ جاناں، ساد مرادا
جَگ کی لَکھٌاں مَکّر اَشنَیں

یار، شکیل، مَنائی کِہنناں
اُسکی کَیہ کَیہ تَہنّتر اَشنَیں

۔۔۔۔۔۔  شکیل اعوان ۔۔۔۔۔۔