مری میں پانی کا بحران – گھر گھر پریشانی

بدقسمتی سے سوائے بورِنگ کے ہمارے ہاں پانی کی دستیابی کا  کوئی خاطر خواہ متبادل حل نہیں ہے. اب جس گھر میں لوگ آسودہ ہیں وہ بورِنگ کروا لیتے ہیں، لیکن جو استطاعت نہیں رکھتے وہ لوگ پانی کی لائنوں کی مرمت اور منصفانہ تقسیم پر توانائیاں صرف کر کے نفرت انگیزی اور ناراضگیوں اور تنگیوں کا سامنا بھی کرتے ہیں۔ اس بار ہمارے گاؤں میں پچاس سے زائد بورِنگ ہو چکی ہیں اور ابھی جاری بھی ہیں۔ اور وقتی حل بھی یہی ہے.
بورِنگ کی کثرت، واٹر ٹیبل کو نیچے کر دیتی ہے. لیکن یہ وہ باتیں ہیں جو یہاں کہنا اور سمجھانا بے معنی ہیں کیونکہ پانی کی ضرورت جب تک پوری نہ ہو، علمی و سائنسی باتیں محض باتیں ہوتی ہیں.
مری پوری کا پانی، کہاں سے جنریٹ ہوتا ہے، کہاں تقسیم ہوتا ہے، کس طرح تقسیم ہونا چائیے، اس پالیسی پر آج تک کسی نے بات نہیں کی اور نہ ہی کوئی نظام وضع کیا گیا.
ان شاء اللہ پانی کے مسئلے پر ایک ماڈل بنا کر موجودہ ذرائع کو بروئے کار لا کر اہلیانِ علاقہ اور مری کے باسیوں کو ایجوکیٹ بھی کریں گے اور ریسوس فُل بھی کریں گے.
اس ضمن میں Aam Aadmi League – AAL کی ایک کمیٹی ایک پراجیکٹ پر کام کرے گی اور اسکا ماڈل پیش کرے گی. ان شاء اللہ ۔
ہم یہ چاہتے ہیں کہ پانی کے متعدد ذرائع جو کہ ضیاع ہو رہے ہیں انہیں محفوظ کیا جائے اور گرمیوں کے تین مہینے جو پانی کی ضرورت کے حوالے سے پریشان کُن ہیں ان کا پری پلان حفظ ما تقدم کے طور پر کیا جائے، تاکہ پھر سارا سال پانی کا مسئلہ حل ہو اور پانی کے مسئلہ کے علاوہ ہمارے لوگ اپنی توانائیاں دوسری مثبت چیزوں کی طرف دھیان دیں.
ساتھ ساتھ رہیے گا۔

#حمادسکندر